محسن نقوی کا رات گئے قذافی اسٹیڈیم کا تفصیلی دورہ

رپورٹ: سہیل عمران۔۔۔ پاکستان کرکٹ بورڈ (پی سی بی) کے چیئرمین محسن نقوی نے رات گئے قذافی اسٹیڈیم کا تفصیلی دورہ کیا۔

چیئرمین پی سی بی محسن نقوی نے اپ گریڈیشن پراجیکٹ پر پیش رفت کا جائزہ لیا، بیسمنٹ اور اسٹیڈیم کے اندر جاری کاموں کا معائنہ کیا۔

چیئرمین پی سی بی محسن نقوی نے انکلوژرز کے جاری کاموں کا مشاہدہ کیا اور متعلقہ حکام کو ہدایات دیں۔

اس حوالےس سے محسن نقوی نے کہا کہ قذافی اسٹیڈیم اپ گریڈیشن پراجیکٹ کو وقت پر مکمل کر لیا جائے گا، چیمپئنز ٹرافی سے قبل اسٹیڈیم تیار کرنے کا ٹاسک پورا کریں گے۔

اس موقع پر ایف ڈبلیو او کے پراجیکٹ ڈائریکٹر نے منصوبے پر ہونے والی پیش رفت سے آگاہ کیا اور چئیرمین پی سی بی محسن نقوی نے کام کی رفتار پر اطمینان کا اظہار بھی کیا۔