پاکستان کا جنوبی افریقہ کو فیصلہ کن میچ میں 154 رنز کا ٹارگٹ

پاکستان ویمنز کرکٹ ٹیم نے جنوبی افریقہ کو فیصلہ کن تیسرے ٹی ٹوئنٹی میچ میں جیت کے لیے 154 رنز کا ٹارگٹ دے دیا۔

تفصیلات کے مطابق ملتان اسٹیڈیم میں مہمان ٹیم نے ٹاس جیت کر پاکستان کو پہلے بیٹنگ کی دعوت دی جس کے جواب میں پاکستان ویمنز نے 5 وکٹوں کے نقصان پر 153 رنز بنائے۔

پاکستان ویمنز کی جانب سے وکٹ کیپر بیٹر منیبہ علی نے 33 رنز بنائے جبکہ ان کی ساتھی اوپننگ بیٹر گل فیروزہ نے 18 رنز بنائے۔

پاکستان اور جنوبی افریقہ کی ٹیمیں آج خصوصی طیارے سے لاہور پہنچ جائیں گی

پاکستان اور جنوبی افریقہ کی ٹیمیں آج خصوصی طیارے سے لاہور پہنچ جائیں گی

سدرہ امین 37 رنز کے ساتھ نمایاں بیٹر رہی، انہوں نے 40 گیندوں کا سامنا کیا جس میں 3 چوکے شامل تھے، سابق کپتان ندا ڈار 12 اور کپتان فاطمہ ثناء نے 27 رنز کی اننگز کھیلی۔

قومی ویمنز ٹیم کی جانب سے عالیہ ریاض 8 اور طوبہ حسن 6 رنز کے ساتھ ناقابل شکست رہیں۔

یاد رہے کہ پہلے میچ میں جنوبی افریقہ کی ویمنز ٹیم نے 10 رنز سے کامیابی حاصل کی تھی اور دوسرے میچ میں پاکستان نے 13 رنز سے میچ اپنے نام کیا تھا۔