بابر اعظم کو مشورہ ہے کہ کرکٹ پر فوکس کریں: یونس خان

رپورٹ: عتیق الرحمٰن۔۔۔ پاکستان کرکٹ ٹیم کے سابق کپتان یونس خان کا کہنا ہے کہ مجھے اکثر لوگ کہتے ہیں کہ بابر اعظم کو بولیں وہ پرفارم کریں اور میرا بابر اعظم کو مشورہ ہے کہ کرکٹ پر فوکس کریں، بابر اعظم پرفارم کریں پرفارمنس بولتی ہے اور بابر اعظم سے توقعات زیادہ ہیں۔

سابق کپتان یونس خان نے میڈیا سے گفتگو کرتے ہوئے کہا کہ کھلاڑی بولتے زیادہ ہے کھیلتے کم ہیں، کھلاڑی سوشل میڈیا چلائیں لیکن بیٹ اور بال سے جواب دیں۔

اپنی بات کو جاری رکھتے ہوئے یونس خان نے کہا کہ کھلاڑی اپنی فٹنس بہتر بنائیں، میں نے کبھی نہیں سوچا کہ مجھے فلاں نمبر پر کھیلنا ہے فلان نمبر پر نہیں، جو موقع مل رہا ہے اس کو پرفارم کرکے اچھا بنائیں، بابر اعظم مجھ سے زیادہ 15000 رنز بناسکتے ہیں۔

انہوں نے کہا کہ وہرات کوہلی نے کپتانی چھوڑی تو پرفارم کیا، پرفارمنس ضروری ہے کپتانی ایک چھوٹی چیز ہے۔

یونس خان نے کہا کہ مجھ جیسے کھلاڑیوں کو پی سی بی سے دور نہیں ہونا چاہیے، پی سی بی کو سمجھنا چاہیے کہ وہ ایک مضبوط ارادہ ہے مگر پی سی بی میں اچانک فیصلے ہوتے ہیں، بورڈ اچانک کوچ اور کپتان تبدیل ہو جاتے ہیں ، لگتا ہے آج تک پی سی بی کو معلوم ہی نہیں کہ وہ کیا ہے۔

انہوں نے کہا کہ پی سی بی کو اپنی ورتھ کا پتہ ہونا چاہئے مگر مجھے ایسا لگتا ہے پی سی بی میں بیٹھے ہوئے لوگوں کی پی سی بی کی اہمیت کا علم ہی نہیں، اچانک فیصلے ہوجاتے ہیں کوچز آجاتے ہیں۔

یونس خان نے کہا کہ پاکستان کرکٹ بورڈ سے کہتا ہوں کہ ڈیپارٹمنٹ کو ٹیمیں بحال کریں، لیگ کو ضرور چلائیں مگر اپنی کرکٹ کو ضرور توجہ دیں، پی سی بی ڈیپارٹمنٹل کرکٹ کی بحالی کے لئے کام کرے۔

ان کا کہنا تھا کہ چیئرمین صاحب کی نیت پر شک نہیں کیا جاسکتا مگر چیئرمین  پی سی بی محسن نقوی کو اپنی ٹیم پر غور کرنا ہوگا۔

سابق کپتان نے کہا کہ مجھے بھی میرے کوچز نے کہا تھا کہ یونس خان ہمارے مستقل کے پلان میں شامل نہیں ہے مگر جس کوچ کو اپنے مستقبل کا نہیں معلوم وہ کھلاڑیوں کے مستقبل کا فیصلہ کرتا ہے۔