زم ایفرو ٹی10 میں چھ پاکستانی کرکٹرز شامل

رپورٹ: فیضان لاکھانی۔۔۔ زم ایفرو ٹی 10 کے دوسرے سیزن کے لیے کھلاڑیوں کی ڈائریکٹ سائننگ کا عمل مکمل ہو گیا ہے۔ مختلف ٹیموں نے اپنے اسکواڈز کو مضبوط کرنے کے لیے 6 پاکستانی کرکٹرز کو سائن کیا ہے۔

زم ایفرو ٹی 10 لیگ کے اعلامیے کے مطابق ڈربن وولوز نے شرجیل خان، محمد عرفان اور یاسر شاہ کو شامل کیا ہے۔

اس کے علاوہ  کیپ ٹاؤن سیمپ آرمی نے حیدر علی کو اپنے گلوبل سپر اسٹار کے طور پر سائن کیا ہے جبکہ شاہنواز داہانی بھی اس ٹیم کا حصہ بنے ہیں۔ این وائی ایس لیگوس نے جارح مزاج بیٹر آصف علی کو براہ راست سائن کیا ہے۔

زم ایفرو ٹی 10 کا پلیئر ڈرافٹ 8 ستمبر کو ہوگا جبکہ ٹورنامنٹ 21 ستمبر سے ہرارے میں شروع ہوگا۔