دی ہنڈرڈ میں نسیم شاہ کی عدم دستیابی پر معین علی کو افسوس

انگلش کرکٹ ٹیم کے نائب کپتان معین علی کا کہنا ہے کہ دی ہنڈرڈ ٹورنامنٹ میں نسیم شاہ کی عدم دستیابی پر افسوس ہے کیونکہ وہ ہماری ٹیم کی ٹاپ پک تھے۔

جیو نیوز سے گفتگو کرتے ہوئے انہوں نے کہا کہ اگر کھلاڑی کی کوئی نیشنل مصروفیت نہ ہو تو اسے لیگز کھیلنے کی اجازت دینے میں کوئی حرج نہیں۔

معین علی نے کہا کہ اگلے سال پاکستان میں ہونے والی چیمپئنز ٹرافی میں وہ انگلینڈ کی ٹیم کا حصہ ہوں گے یا نہیں یہ ابھی کہنا قبل از وقت ہے، لیکن انگلش ٹیم یہ ٹائٹل جیت سکتی ہے۔

نسیم شاہ کو دی ہنڈرڈ کیلئے این او سی جاری نہ کرنے کا فیصلہ

نسیم شاہ کو دی ہنڈرڈ کیلئے این او سی جاری نہ کرنے کا فیصلہ

ان کا مزید کہنا تھا کہ چیمپئنز ٹرافی ایک مختلف فارمیٹ ہے، 50 اوورز کا ایک مختلف ایونٹ ہے، اس پر منحصر ہے کہ ٹیم کس طرح کی جائے گی کیونکہ وہ نوجوان کھلاڑیوں کا بھی انتخاب کر سکتے ہیں، اگر ہمیں منتخب کیا گیا تو ہم تیار ہوں گے اگر منتخب نہ ہوئے تب بھی ٹھیک ہے۔

میرا بیٹا ابوبکر انشاء اللہ ایک دن انگلینڈ کیلئے کھیلے گا: معین علی

انگلش کرکٹر معین علی نے کہا کہ میں اور عادل دونوں محسوس کرتے ہیں کہ اگر ہم اگلی نسل کو متاثر کر سکتے ہیں تو ہم نے اپنا کام کیا ہے، اس سے کوئی فرق نہیں پڑتا کہ ہم نے کتنے رنز بنائے یا کتنی وکٹیں لیں۔

ایک سوال کے جواب میں انہوں نے کہا کہ میرا بیٹا ابوبکر کرکٹ کھیلتا ہے، وہ دس سال کا ہے اور اسے کرکٹ کا بہت شوق ہے، انشاء اللہ ایک دن وہ انگلینڈ کے لیے کھیلے گا۔