July 17, 2024 | 10:03 am

ایشیا کپ میں شرکت کیلئے پاکستان ٹیم سری لنکا پہنچ گئی

رپورٹ: سہیل عمران۔۔۔  ویمنز ایشیا کپ میں شرکت کے لیے پاکستان ویمن کرکٹ ٹیم سری لنکا پہنچ گئی۔

علم میں رہے کہ ویمن ایشیا کپ سری لنکا کے شہر ڈمبولا میں کھیلا جائے گا۔ پاکستان ویمن کرکٹ ٹیم اپنا پہلا میچ روایتی حریف بھارت کے خلاف 19 جولائی کو کھیلے گی۔

سری لنکا روانگی سے قبل ویمن ٹیم کی فاسٹ بولر فاطمہ ثناء کا کہنا تھا کہ بولنگ کوچ نے ماڈرن ڈے کرکٹ کے حساب سے مائنڈ سیٹ اور ورائٹی کا بتایا ہے، جنید خان نے بولنگ بہتر کرنے میں کافی مدد کی ہے۔

ان کا یہ بھی کہنا تھا کہ ایشیا کپ کیلئے کافی اچھا تیاری کی ہے، انشاء اللہ جیت کر آئیں گے، ایشیا کپ میں دیکھیں گے تو پتہ چل جائے گا کہ کیا تیاری کی ہے۔

فاطمہ ثناء کا کہنا تھا کہ پہلی بار ایشیا کپ کھیل رہی ہوں اس کو یادگار بنانے کی کوشش کروں گی، اہم بات وہی ہوگی جس پر وقت کے مطابق عمل کیا جائے۔