ورلڈ چیمپئنز لیگ: جنوبی افریقہ سے شکست کے باوجود بھارت سیمی فائنل میں پہنچ گیا

ورلڈ چیمپئنز ف لیجنڈ کرکٹ ٹورنامنٹ میں جنوبی افریقا نے آخری میچ میں انڈین چیمپیئنز کو54رنز سے شکست دے دی مگر شکست کے باوجود انڈین چیمپیئنز نے سیمی فائنل کے لئے کوالفائی کرلیا۔

تفصیلات کے مطابق نارتھ ہیمپٹن میں کھیلے گئے میچ میں بھارت نے ٹاس جیت کے پہلے بولنگ کرنے کا فیصلہ کیا جس کے جواب میں جنوبی افریقی ٹیم 20 اوورز میں 8 وکٹوں کے نقصان پر 210 رنز بنا کر آؤٹ ہوگئی۔

جنوبی افریقی چیمپئنز کی جانب سے سین مین 73 اور وکٹ کیپر بیٹر لیوی 60 رنز بناکر نمایاں رہے جبکہ بھارت کی جانب سے ہربجھن سنگھ نے چار کھلاڑیوں کو آؤٹ کیا۔

بھارت کو جیت کے لئے 211 اور سیمی فائنل میں کوالیفائی کرنے کے لئے153 رنز کا ہدف ملا لیکن اس کی پانچ وکٹیں 77 رنز پر گر گئیں مگر پھر انڈین چیمپیئنز نے میچ جیتنے کے بجائے153 رنز کا ہدف بنالیا۔ عرفان پٹھان اور یوسف پٹھان کے درمیان 56 رنزکی شراکت بنی ، عرفان 35 رنز بناکر جب رن آوٹ ہوئے۔

بھارت کی جانب سے یوسف پٹھان اگلی دو گیندوں پر ڈیل اسٹین کو چھکا اور چوکا لگایا پھر آخری گیند پر چوکا لگاکر بھارت کو 153 رنز سے پار کیا، یوسف پٹھا ن 54 رنز کے ساتھ ناقابل شکست رہے۔ یوں بھارتی ٹیم مقررہ 20 اوورز میں 6 کھلاڑیوں کے نقصان پر 156 رنز بنا سکی۔ جنوبی افریقا چیمپیئنز میچ کو54رنز سے جیت گئی لیکن سیمی فائنل کے لئے کوالیفائی نہ کرسکی۔

بھارت نے ایونٹ میں چوتھی پوزیشن حاصل کیاور اب سیمی فائنل میں اس کا مقابلہ آسٹریلیا سے ہوگا جبکہ پاکستان ویسٹ انڈیز کے مد مقابل ہوگی۔

ایونٹ کے دونوں سیمی فائنلز کل کھیلے جائیں گے اور دنوں میچز جیو سوپر سے برا ہ راست نشر کیے جائیں گے۔