June 25, 2024 | 09:09 am

بابر اعظم امریکا سے وطن واپس پہنچ گئے

پاکستان کرکٹ ٹیم کے کپتان بابر اعظم نیو یارک سے براستہ دبئی لاہور پہنچ گئے ہیں۔

ٹی ٹوئنٹی ورلڈ کپ کے پہلے مرحلے سے ہی باہر ہونے کے بعد بابر اعظم امریکہ میں ہی رک گئے تھے اور فیملی کے ساتھ وقت گزارا ۔

بابرا عظم جب لاہور ائیرپورٹ سے باہر آئے تو پی سی بی سیکورٹی اور اور پولیس اہلکار بھی موجود تھے ۔

ذرائع کے مطابق بابر اعظم آئندہ چند روز میں چیئرمین پاکستان کرکٹ بورڈ محسن نقوی سے ملاقات کریں گے اس ملاقات میں ٹی ٹوئنٹی ورلڈ کپ میں ٹیم کی ناقص کارکردگی اور اس کی وجوہات پر بات ہو گی ۔

یاد رہے کہ پاکستان کرکٹ ٹیم ٹی ٹوئنٹی ورلڈ کپ کے پہلے مرحلے میں ہی ایونٹ سے آؤٹ ہوگئی تھی۔