آئی سی سی چیمپئنز ٹرافی کا شیڈول دیگر بورڈز سے کب شیئر کرے گا؟

رپورٹ: سہیل عمران۔۔۔ آئندہ سال پاکستان میں منعقد ہونے والی چیمپئنز ٹرافی کا شیڈول انٹرنیشنل کرکٹ کونسل (آئی سی سی) دیگر بورڈز سے کب شیئر کرے گا؟ اس بارے میں ذرائع کا بتانا ہے کہ آئی سی سی آئندہ ہفتے دیگر بورڈز سے شیڈول کرے گا۔

ذرائع کا کہنا ہے کہ پاکستان کرکٹ بورڈ (پی سی بی) نے چند ہفتے قبل چیمپئنز ٹرافی کا شیڈول آئی سی سی کو بھجوایا تھا جس کا آئی سی سی نے تفصیلی جائزہ لیا اور پی سی بی کے شیڈول میں ردوبدل نہیں کیا اور آئی سی سی شیڈول کو دیگر سات ممالک کو اب بھجوائے گا۔

ذرائع کا یہ کہنا ہے کہ چیمپئنز ٹرافی 19 فروری سے 9 مارچ تک منعقد ہو گی، بھارتی ٹیم کے میچز لاہور میں رکھے گئے ہیں جبکہ فائنل بھی لاہور میں ہو گا اور بھارتی ٹیم کے پاکستان آنے کے پی سی بی کو اچھے اشارے مل رہے ہیں۔

ذرائع کا یہ بھی بتانا ہے کہ بھارتی ٹیم کے پاکستان آنے کے پی سی بی کو اچھے اشارے مل رہے ہیں، بھارت کی جانب سے اب تک کسی باضابطہ پلیٹ فارم پر پاکستان نہ آنے کی بات نہیں ہوئی۔

ذرائع کا یہ بھی کہنا ہے کہ دیگر ممالک پاکستان میں شیڈولڈ کے مطابق چیمپئینز ٹرافی کے انعقاد کے خواہشمند ہیں کیونکہ دیگر ممالک کی ٹیمیں پاکستان آکر سیریز کھیل چکی ہیں اور دیگر ممالک کی رضامندی کی وجہ سے بھارت کے لیٹ انکار مشکل ہو جائے گا۔

واضح رہے کہ پاکستان کی میزبانی میں ہونے والی چیمپئینز ٹرافی میں آسٹریلیا، انگلینڈ، بھارت شامل ہیں جبکہ جنوبی افریقہ، بنگلہ دیش، نیوزی لینڈ اور افغانستان بھی ٹورنامنٹ میں شامل ہیں۔