June 19, 2024 | 08:20 am

کین ولیمسن کا قیادت اور سینٹرل کنٹریکٹ لینے سے انکار

رپورٹ: فیضان لاکھانی۔۔۔ نیوزی لینڈ کرکٹ ٹیم کے کپتان کین ولیمسن نے سینٹرل کنٹریکٹ لینے سے انکار کردیا ہے جبکہ وہ وائٹ بال ٹیم کی قیادت سے بھی دستبردار ہوگئے ہیں۔

واضح رہے کہ سینٹرل کنٹریکٹ لینے سے انکار کے بعد کین ولیمسن مکمل سیزن کے لیے دستیابی سے آزاد ہوگئے ہیں۔

خیال رہے کہ سینٹرل کنٹریکٹ نہ لینے کے باوجود ولیمسن کے لیے نیوزی لینڈ کرکٹ دستیابی کے لیے پرُ عزم ہے مگر کین ویلیم سن جنوری میں ٹیم کو سمر سیزن کے دوران دستیاب نہیں ہوں گے۔

اس بارے میں نیوزی لینڈ کرکٹ بورڈ کا کہنا ہے کہ کین ولیمسن ٹیسٹ چیمپئن شپ کے 8 میچز اور پاکستان میں ہونے والی چیمپئنز ٹرافی کیلئے دستیاب ہوں گے۔