اگر سلیکٹرز کو لگتا ہے کہ میں بہتر ہوں تو ٹیم کیلئے دستیاب ہوں : احمد شہزاد

قومی کرکٹر احمد شہزاد کا کہنا ہے کہ اگر سلیکٹرز کو لگتا ہے کہ میں بہتر ہوں تو ٹیم کے لیے دستیاب ہوں، جعلی کنگ اور چھ آٹھ کا جو ٹولہ ہے اس کو ٹیم سے باہر نکالیں۔

پاکستان کرکٹ ٹیم کی آئی سی سی ٹی ٹوئنٹی ورلڈ کپ میں ناقص کارکردگی کو آڑے ہاتھوں لیتے ہوئے احمد شہزاد نے کہا کہ پاکستان ٹیم کو ذاتی سنگ میل لے ڈوبی ہے جس کے بابر اعظم اور محمد رضوان سب سے بڑے ذمہ دار ہیں۔

اپنے خیالات کا اظہار کرتے ہوئے احمد شہزاد نے کہا کہ بابر اور رضوان کے ذاتی ریکارڈز نے پاکستان ٹیم کو تباہ کر دیا ہے، ان تمام کھلاڑیوں کو ڈومیسٹک کرکٹ کی طرف بھیجنا ہوگا۔

انہوں نے کہا کہ کپتان سمیت 6، 8 افراد کے ٹولے کا احتساب کرنے کا وقت آ گیا ہے کیونکہ ان 6، 8 افراد کے ٹولے نے ہی پاکستان ٹیم کو یہاں تک پہنچا دیا ہے۔

اپنی بات کو جاری رکھتے ہوئے احمد شہزاد نے کہا کہ یہ جو6 سے 8 کا گروپنگ والا ٹولا ہے اس کو ٹیم سےنکالیں اور اب بھی ٹولےکےخلاف کریگ ڈاؤن نہیں کیا توپھرٹیم نہیں بن سکےگی۔

قومی کرکٹ ٹیم کے کپتان پر تنقید کرتے ہوئے احمد شہزاد نے کہا کہ بابراعظم کو دوبارہ کپتان بنانا بہت بڑی غلطی تھی، جعلی کنگ اور چھ آٹھ کا جو ٹولہ ہے اس کو ٹیم سے باہر نکالیں۔

دوسری جانب سابق کرکٹر سکندر بخت نے کہا کہ کپتان بابرکو تبدیل کرنا ہوگا،اس میں قیادت کی صلاحیت ہی نہیں، اچھے لڑکوں کو ضرور رکھیں ، چند فاسٹ بولر اچھے ہیں۔

کرکٹر عمران نذیر نے کہا کہ امریکا ٹیم سپر ایٹ میں جا رہی ہے تو وہ اس کی حق دار تھی اور ہمیں جتنی کرکٹ آتی تھی اتنی ہی کھیلی ہے۔

عمران نذیر نے کہا کہ پاکستان ٹیم جتنی دباؤ میں کرکٹ کھیلی وہ سپر8میں جانےکی حق دارنہیں تھی، ہماری ٹیم میں فٹنس کے بہت زیادہ مسئلے ہیں۔

قومی کرکٹر امام الحق نے کہا کہ پاکستان ٹیم بہت خراب کرکٹ کھیلی، ہمارے اسپینر اور مڈل آرڈر میں کافی عرصے سے مسئلہ ہے۔

امام الحق کا کہنا تھا کہ ہمارے ڈومیسٹک کرکٹر کو زیادہ معاوضہ ملنا چاہیے, ہماری ڈومیسٹک کرکٹ کو مضبوط کرنے کی ضرورت ہے۔