قومی کرکٹرز کے سینٹرل کنٹریکٹ کا از سر نو جائزہ لینے کا فیصلہ

رپورٹ: سہیل عمران۔۔۔ پاکستان کرکٹ ٹیم کی ٹی ٹوئنٹی ورلڈ کپ میں ناقص کارکردگی کے بعد پاکستان کرکٹ بورڈ نے قومی کرکٹرز کے سینٹرل کنٹریکٹ کا از سر نو جائزہ لینے کا فیصلہ کیا ہے۔

ذرائع کا کہنا ہے کہ پہلے مرحلے میں اچھی پرفارمنس نہ رکھنے والے قومی کرکٹرز کی سینٹرل کنٹریکٹ میں تنزلی ہو گی جبکہ کئی کرکٹرز کو سینٹرل کنٹریکٹ سے ہاتھ دھونا پڑیں گے۔

ٹی ٹوئنٹی ورلڈ کپ میں مایوس کن کارکردگی کی وجہ سے سینٹرل کنٹریکٹ کا از سر نو جائزہ لیا جا رہاہے قومی کرکٹرز کو گزشتہ برس یکم جولائی سے تین برس کا کنٹریکٹ دیا گیا تھا۔

اس دوران قومی ٹیم ایشیا کپ ،آئی سی سی ورلڈ کپ اور ٹی ٹوئنٹی ورلڈ کپ میں بڑی طرح ناکام رہی پاکستان ٹیم دورہ آسٹریلیا اور نیوزی لینڈ میں بھی ناکام رہی۔

کئی کرکٹرز کو سینٹرل کنٹریکٹ سے ہاتھ دھونا پڑیں گے

واضح رہے کہ قومی کرکٹرز نے ذکاء اشرف کے دور میں دباؤ ڈال کر اپنے معاوضوں میں اضافہ کروایا تھامعاوضوں میں اضافے کرانے کے بعد قومی ٹیم پچھلے دور میں ایشیا کپ ، آئی سی سی ورلڈ کپ میں ناکام رہی۔

ذکاء اشرف کے دور میں جو معاوضے بڑھائے گئےاب قومی کرکٹرز کے معاوضوں اور کھلاڑیوں کوکنٹریکٹ میں برقرار رکھنے کے حوالے سے فیصلے ہوں گے۔

چیئرمین پی سی بی محسن نقوی اور اعلی عہدیدار رات گئے دفاتر میں موجود رہے ٹیم کی بدترین کارکردگی اور سینٹرل کنٹریکٹ کے حوالے سے مشاورت کی گئی۔