روس: برکس گیمز میں پاکستانی ویٹ لفٹر حیدر سلطان کا سونے کا تمغہ

روس کے شہر کازان میں جاری برکس گیمز میں پاکستانی ویٹ لفٹر حیدر سلطان نے سونے کا تمغہ جیت لیا۔

پاکستان روس میں جاری برکس گیمز میں پہلا گولڈ میڈل جیتنے میں کامیاب ہوگیا۔ ویٹ لفٹنگ میں حیدر سلطان کی بدولت پاکستان نے پہلا سونے کا تمغہ جیتا۔

حیدر سلطان نے ویٹ لفٹنگ کی 61 کلوگرام کیٹیگری میں سونے کا تمغہ اپنے نام کیا۔

انہوں نے مجموعی طور پر 261 کلو گرام وزن اُٹھایا۔ کلین اینڈجرک میں 146 اور اسنیچ میں 115 کلوگرام وزن کے ساتھ پاکستان کو پہلا گولڈ میڈل جتوایا۔

واضح رہے کہ برکس گیمز کازان میں 23 جون تک جاری رہیں گے۔