ہم سعودی عرب کیخلاف بھرپور تیاری سے میدان میں اُترے گے: اسسٹنٹ کوچ

رپورٹ: فیضان لاکھانی۔۔۔ پاکستان فٹبال ٹیم کے اسسٹنٹ کوچ تریشن پٹیل کا کہنا ہے کہ قومی فٹبال ٹیم سعودی عرب کے خلاف بھرپور تیاری سے میدان میں اُترے گی۔

انہوں نے کہا کہ سعودی عرب ایک مضبوط ٹیم ہے، مگر ہم ہر میچ کی طرح اس میچ کو بھی پوری محنت سے کھیلیں گے، پچھلے دو کوالیفائنگ میچز کے نتائج مایوس کن تھے مگر مجھے یقین ہے کہ آخری دو گیمز میں حکمت عملی بہتر ہو گی۔

اپنی بات کو جاری رکھتے ہوئے تریشن پٹیل نے کہا کہ کیمپ میں موجود کھلاڑی بھرپور ٹریننگ کر رہے ہیں، کوچنگ سٹاف کی اولین ترجیح قومی ٹیم کو بہتر سے بہتر کرنا ہے مگر اس کے ساتھ پاکستان میں فٹبال کے ڈھانچے کو مضبوط کرنے کی بھی اشد ضرورت ہے ۔

انہوں نے کہا کہ پاکستان بھر کے فٹبال شائقین کو میرا پیغام ہے کے وہ زیادہ تعداد میں آئیں اور 6 جون کو سعودی عرب کے خلاف جناح اسٹیڈیم اسلام آباد میں ہونے والے میچ میں اپنی ٹیم کو سپورٹ کریں۔