گوتم گمبھیربھارتی کرکٹ ٹیم کے ہیڈ کوچ کیلئے مضبوط اُمیدوار

رپورٹ: سہیل عمران۔۔۔ بھارتی کرکٹ ٹیم کے ہیڈ کوچ راہول ڈریوڈ کی مدت ٹی ٹوئنٹی ورلڈ کپ کے اختتام تک ہے اس کے بعد ان کا کنٹریکٹ ختم ہوجائے گا اسی حوالے سے بھارتی میڈیا کا بتانا ہے کہ سابق کرکٹر گوتم گمبھیر بھارتی کرکٹ ٹیم کے ہیڈ کوچ کے لیے مضبوط اُمیدوار ہیں۔

میڈیا رپورٹس میں بتایا گیا ہے کہ گوتم گمبھیر اور بھارتی بورڈ کے اعلی عہدیداران کے درمیان کوچنگ کے حوالے ابتدائی بات چیت ہوئی ہے مگر گوتم گھمبیر اور بھارتی بورڈ نے کوچنگ کے معاملے پر کوئی تبصرہ نہ کرنے کا فیصلہ کیا ہے۔

علم میں رہے کہ گوتم گمبھیر کی کوچنگ میں کولکتہ نائٹ رائیڈرز نے حال ہی آئی پی پی میں کامیابی حاصل کی۔

بھارتی کرکٹ بورڈ ہیڈ کوچ کی تلاش میں ہے جس کے لیے درخواستیں جمع کرانے کی آخری تاریخ 27 مئی تھی، ٹی ٹوئنٹی ورلڈ کپ راہول ڈریوڈ کی آخری اسائنمنٹ ہے اور بھارتی بورڈ غیر ملکی نہیں ملکی ہیڈ کوچ کے حق میں ہے۔