نیدر لینڈز کے کرکٹر کو منفرد ہوم ایڈوانٹیج، ان کا گھر ہی گراؤنڈ میں

نیدر لینڈز کے کرکٹر ویوین کنگما کو منفرد ہوم ایڈوانٹیج حاصل ہے کیونکہ ان کا گھر کرکٹ گراؤنڈ میں ہی ہے۔

کرکٹ گراؤنڈ فاسٹ بولر ویوین کنگما کے گھر کے عقبی حصے میں ہے اور ویوین کنگما گھر کے پچھلے حصے سے نکل کر گراؤنڈ میں چلے جاتے ہیں۔

ویوین کنگما فیملی سے نیک خواہشات لے کر گراؤنڈ آتے اور پھر واپس گھر آ جاتے ہیں اور انہیں پریکٹس سیشن اور میچز کے لیے میلوں کی مسافت بھی طے نہیں کرنا پڑتی۔

x.com

فاسٹ بولر کو ہیگ میں گھر کے ساتھ ہی تمام سہولیات حاصل ہیں۔ ویوین کنگما اسکاٹ لینڈ کے خلاف پلیئر آف دی میچ قرار پائے تھے، انہوں نے 21 رنز کے عوض 4 کھلاڑیوں کو آؤٹ کیا تھا۔

علم میں رہے کہ وور برگ کرکٹ کلب کے گراؤنڈ پر سہہ فریقی کرکٹ سیریز کے میچز کھیلے جارہے ہیں جہاں نیدرلینڈز، اسکاٹ لینڈ اور آئر لینڈ کی ٹیمیں شریک ہیں۔