ٹی ٹوئنٹی ورلڈ کپ کیلئے آسٹریلیا نے حتمی اسکواڈ کا اعلان کردیا

رپورٹ: سہیل عمران۔۔۔ آئی سی سی ٹی ٹوئنٹی کرکٹ ورلڈ کپ کے لیے آسٹریلیا نے حتمی اسکواڈ کا اعلان کردیا ہے۔

کرکٹ آسٹریلیا کے مطابق آسٹریلیا نے 15 رکنی ابتدائی اسکواڈ کو برقرار رکھا ہے جبکہ اسکواڈ میں دو ٹریولنگ ریزروز کا اضافہ کیا گیا ہے۔

آسٹریلوی اسکواڈ کی قیادت مچل مارش کے سپرد کی گئی ہے، ٹریولنگ ریزروز میں میتھیو شارٹ اور جیک فریزر کو شامل کیا گیا ہے۔

ٹی ٹوئنٹی ورلڈ کپ کے لیے آسٹریلوی اسکواڈ ویسٹ انڈیز میں اکٹھا ہو گا۔

آئی سی سی ٹی ٹوئنٹی ورلڈ کپ یکم جون سے شروع ہو رہا ہے اور امریکہ اور ویسٹ انڈیز ٹی ٹوئنٹی ورلڈ کپ کے مشترکہ میزبان ہیں۔

آئی سی سی ٹی ٹوئنٹی ورلڈ کپ کے لیے آسٹریلوی اسکواڈ

مچل مارش (کپتان)، ایشٹن آگر، پیٹ کمنز، ٹم ڈیوڈ، نیتھن ایلس، کیمرون گرین، جوش ہیزل ووڈ، ٹریوس ہیڈ، جوش انگلیس، گلین میکسویل، مچل اسٹارک، مارکس اسٹونیس، میتھیو ویڈ، ڈیوڈ وارنر اور ایڈم زمپا شامل ہیں۔