فیفا ورلڈ کپ کوالیفائر: پاکستان اور سعودی عرب میچ کے انعقاد پر سوالیہ نشان

رپورٹ: فیضان لاکھانی۔۔۔ پاکستان اور سعودی عرب کے درمیان فیفا کوالیفائر میچ 6 جون کو اسلام آباد میں شیڈولڈ ہے مگر اس میچ کے انعقاد پر سوالیہ نشان لگتا ہوا نظر آرہا ہے۔

تفصیلات کے مطابق پاکستان فٹبال فیڈریشن (پی ایف ایف) نے جناح اسٹیڈیم میں نصب نئی لائٹس کو  غیر معیاری قرار دے دیا ہے۔

پاکستان فٹبال ٹیم میں ایک اہم کھلاڑیوں کا اضافہ

پاکستان فٹبال ٹیم میں ایک اہم کھلاڑیوں کا اضافہ

پی ایف ایف کی نارملائزیشن کمیٹی کی جانب سے پاکستان اسپورٹس بورڈ (پی ایس بی) کو خط لکھا گیا ہے جس میں کہا گیا ہے  کہ جناح اسٹیڈیم میں لگائی جانے والی نئی لائٹس بھی فیفا اور ایشین فٹبال کنفیڈریشن (اے ایف سی) معیار کی نہیں ہیں۔

پی ایف ایف نے یہ بھی خط میں لکھا کہ گول پوسٹس کی دونوں جانب روشنی ناکافی اور غیر تسلی بخش ہے۔

خط کا متن ہے کہ پی ایف ایف نے تین مئی اور اٹھارہ مئی کو گراؤنڈ کا جائزہ لیا تھا اور پہلی جائزہ رپورٹ کے بعد پی ایس بی کو آگاہ کیا گیا تھا۔

پی ایف ایف نے خط میں یہ بھی لکھا ہے کہ اطلاع دینے کے باوجود بھی نشاندہی کئے جانے والے مسائل کا حل نہیں نکالا گیا لہٰذا اگر لائٹ کا مسئلہ حل نہ ہوا تو میچ کا انعقاد مشکل ہوجائے گا۔