روہت شرما کا پاکستان کرکٹ ٹیم سے متعلق اظہارِ خیال

بھارتی کرکٹ ٹیم کے کپتان روہت شرما کا کہنا ہے کہ میں سمجھتا کہ ہوں پاکستان کی ٹیم بہت اچھی ہے اور پاکستان کے پاس نوجوان فاسٹ بولر بڑے مضبوط ہیں۔

روہت شرما نے کہا کہ پاکستان کی بیٹنگ بہت اچھی ہے اور مجموعی طور پر ایک اچھی ٹیم ہے، پاکستان بھارت میچ مختلف ہوتا ہے ،ٹیموں سے بڑھ کر لوگ بہت پسند کرتے ہیں۔

اپنی بات کو جاری رکھتے ہوئے روہت شرما نے کہا کہ پاکستان کے فینز کے پیغامات ملتے ہیں جومجھے اچھے لگتے ہیں، پاکستان کے فینز کرکٹ سے بہت محبت کرتے ہیں، لوگ پاک بھارت ٹیموں کو کھیلتا ہوا دیکھنا چاہتے ہیں۔

انہوں نے کہا کہ مجھے نہیں پتا کہ پاک بھارت کرکٹ کا اسٹیٹس کیا ہے مگر میں تو یہی کہوں گا کہ مجھے کرکٹ کھیلنا ہے کیونکہ میں کرکٹر ہوں۔