گیری کرسٹن آج سے ٹیم کے پریکٹس سیشن کی نگرانی کریں گے

پاکستان کرکٹ ٹیم کے وائٹ بال ہیڈ کوچ گیری کرسٹن نے انگلینڈ میں ٹیم کو جوائن کرلیا۔

ٹیم منیجمنٹ اور کپتان بابراعظم نے گیری کرسٹن کو خوش آمدید کہا اور اس موقع پر سینئر منیجر وہاب ریاض نے گیری کرسٹن کو ٹیم کی ٹریننگ شرٹ پیش کی۔

گیری کرسٹن آج سے ٹیم کے پریکٹس سیشن کی نگرانی کریں گے۔ پاکستان ٹیم مقامی وقت کے مطابق صبح ساڑھے نو بجے سے دوپہر ساڑھے بارہ بجے تک پریکٹس کرے گی۔

پاکستان ٹیم کل منگل کو دوپہر ڈیڑھ بجے سے شام ساڑھے چار بجے تک پریکٹس کرے گی۔ خیال رہے کہ پاکستان اور انگلینڈ کے درمیان پہلا ٹی ٹوئنٹی 22مئی کو ہیڈنگلے لیڈز میں کھیلا جائے گا۔

پاکستان اور انگلینڈ کے درمیان سیریز کا شیڈول:

پہلا ٹی ٹوئنٹی 22 مئی۔ لیڈز

دوسرا ٹی ٹوئنٹی 25 مئی۔ برمنگھم

تیسرا ٹی ٹوئنٹی 28 مئی۔ کارڈف

چوتھا ٹی ٹوئنٹی 30 مئی۔ اوول