May 17, 2024 | 09:39 am

ٹی ٹوئنٹی ورلڈکپ کیلئے 15 پاکستانی کھلاڑیوں کے نام فائنل

رپورٹ: یحییٰ حسینی۔۔۔ آئی سی سی ٹی ٹوئنٹی کرکٹ ورلڈ کپ کا آغاز ہونے میں بس دو ہفتے ہی رہے گئے اور پاکستان کے علاوہ تمام ٹیموں نے ہی اپنے اسکواڈ کا اعلان کردیا ہے۔

پاکستان کرکٹ بورڈ (پی سی بی) کے مطابق ٹی ٹوئنٹی ورلڈ کپ کے لیے پاکستان ٹیم کے اسکواڈ کا اعلان انگلینڈ کے خلاف پہلے ٹی ٹوئنٹی میچ کے بعد کردیا جائے گا مگر فی الحال ذرائع کی جانب سے بتایا گیا ہے کہ ورلڈ کپ کےلئےپاکستان کے 15ارکان کے نام فائنل ہوگئے ہیں۔

ذرائع کے مطابق اسکواڈ میں 5 فاسٹ بولرز، 4 آل راونڈرزشامل ہوں گے جبکہ 3 وکٹ کیپرز،2 بیٹر اور ایک اسپنر شامل ہوگا۔

ذرائع کا کہنا ہے کہ بابر اعظم کی قیادت میں فخر زمان، محمد رضوان ، عثمان خان، صائم ایوب، شاداب خان ، اعظم خان،عماد وسیم اور افتخار احمدبھی اسکواڈمیں ہوں گے۔

ذرائع کے مطابق ابرار احمد،شاہین شاہ آفریدی، محمد عامر، نسیم شاہ ٹیم میں ہوں گے جبکہ تین ٹریول ریزرو میں سلمان علی آغا،حسن علی اور عرفان نیازی ہوں گے۔

فاسٹ بولر حارث رؤف کے بارے میں ذرائع کا بتانا ہے کہ حارث رؤف مکمل فٹ ہیں،ورلڈ کپ کے اسکواڈ میں شامل ہوں گے اور عباس آفریدی کو بھی شامل کیا گیا ہے۔