ٹی ٹوئنٹی ورلڈ کپ جیتنے پر پاکستان ٹیم کے ہر کھلاڑی کیلئے ایک ایک لاکھ ڈالر انعام کا اعلان

ٹی ٹوئنٹی ورلڈکپ جیتنے پر پاکستان کرکٹ ٹیم کے ہر کھلاڑی کےلیے ایک ایک لاکھ ڈالر انعام کا اعلان کردیا گیا۔

چیئرمین پی سی بی محسن نقوی کا کہنا ہے کہ پاکستان کی جیت کے سامنے اس انعام کی کوئی حیثیت نہیں۔

محسن نقوی نے کھلاڑیوں سے ملاقات میں کہا کہ کسی دباؤ کے بغیر کھیلیں، بھرپور مقابلہ کریں، میدان میں مقابلہ ہوتا نظر آنا چاہیے۔ جیت آپ کیلئے اور ہار ان کےلیے ہوگی۔

چیئرمین پی سی بی نے کہا کہ میدان میں ٹیم ورک کا مظاہرہ کریں، انشااللّٰہ فتح قدم چومے گی۔ شاہین شاہ آفریدی سے قوم کو بہت سی توقعات ہیں۔

چیئرمین پی سی بی محسن نقوی کی جانب سے کھلاڑیوں کے اعزاز میں ظہرانہ بھی دیا گیا، انہوں نے کھلاڑیوں اور آفیشلز سے ملاقات کی اور ایک بڑا اعلان بھی کیا۔

اس موقع پر چیئرمین پی سی بی نے محمد رضوان کو ٹی ٹوئنٹی میں 3000 رنز مکمل کرنے پر اور نسیم شاہ کو 100 وکٹیں لینے پر خصوصی گرین شرٹس دیں۔

چئیرمین پی سی بی نے کھلاڑیوں اور آفیشلز کے اعزاز میں مقامی ہوٹل میں ظہرانہ بھی دیا۔