پاکستان سپر لیگ 10 کے لیے ونڈو تجویز کردی گئی

رپورٹ: سہیل عمران۔۔۔ پاکستان سپر لیگ( پی ایس ایل ) کے دسویں ایڈیشن کے لیے ونڈو تجویزکر دی گئی ہے۔

ذرائع کےمطابق تجویز کردہ ونڈو کے مطابق اگلے برس ہونے والے پی ایس ایل 10 کے لیے 8 اپریل سے 20 مئی تک کی ونڈو تجویز کی گئی ہے۔

ذرائع کا کہنا ہے کہ پی سی بی کی جانب سے فرنچائزز کو اس حوالے سے تجاویز پیش کر دی گئی ہیں اور پی ایس ایل 10 کی ونڈوکھلاڑیوں کی سہولت، ورک لوڈ مینجمنٹ اور مصروفیات کو مدنظر رکھ کر تجویزکی گئی ہے۔

ذرائع کا یہ بھی بتانا ہے کہ تمام فرنچائزز کو ایک مارکی پلیئر سے معاہدے کی سہولت دے دی گئی ہے۔

ذرائع کا کہنا ہے کہ تمام فرنچائزز اگلے ایک سے دو ماہ میں مارکی پلیئر سے معاہدہ کر سکیں گی اور مارکی پلیئر سے معاہدے کے لیے پی سی بی مالی معاونت بھی کرے گا۔