’’خدا کے لیے انصاف کرو‘‘ افتخار احمد ناراض کیوں ہوگئے؟

رپورٹ: سہیل عمران۔۔۔ پاکستان کرکٹ ٹیم کے جارح مزاج بیٹر افتخار احمد کا کہنا ہے کہ خدا کے لیے انصاف کرو ایک میچ کے لئے کچھ نہیں ہوا تو کہا جانے لگا کہ میں چھکے نہیں مار رہا کچھ نہیں کر رہا۔

آئرلینڈ اور انگلینڈ کے خلاف ٹریننگ سیشن کے بعد میڈیا سے گفتگو کرتے ہوئے افتخار احمد نے کہا کہ ورلڈ کپ جیتنا ہمارا ٹارگٹ ہے اور چھکے جو بھی مارے ہم نے جیتنا ہے، اگر سب چھکے ماریں تو پانچ سو رنز بن جائیں۔

افتخار احمد نے کہا کہ ہمارا نہ بھارت ٹارگٹ ہے نہ کینیڈا ہمارا ٹارگٹ ورلڈ کپ جیتنا ہے ہماری ٹیم ایسی ہے جو ورلڈ کپ جیت سکتی ہے، ہمارے پاس ورلڈکپ نہ جیتنے والی کوئی معذرت نہیں ہو گی۔

اپنی بات کو جاری رکھتے ہوئے مڈل آرڈر بیٹر نے کہا کہ منجمنٹ جو کہے ہمیں وہاں کھیلنا اور ان کے پلان کے مطابق کھیلنا ہے، بابر اعظم دنیا کا بہتر بیٹر ہے وہ رول کے مطابق بیٹنگ کرتے ہیں۔