پانچواں ٹی ٹوئنٹی : ویسٹ انڈیز ویمن نے پاکستان ویمن کو ہرا کر سیریز جیت لی

پانچویں ٹی ٹوئنٹی میں ویسٹ انڈیز ویمن کرکٹ ٹیم نے پاکستان ویمن ٹیم کو 8 وکٹ سے شکست دے کر 5 میچوں کی سیریز 4-1 سے اپنے نام کرلی۔

پاکستان ویمن کا 135 رنز کا ہدف ویسٹ انڈیز نے 19ویں اوور میں حاصل کرلیا۔

نیشنل بینک اسٹیڈیم میں کھیلے گئے سیریز کے آخری ٹی ٹوئنٹی پاکستان ویمن نے پہلے بیٹنگ کرتے ہوئے 8 وکٹ پر 134 رنز اسکور کیے، سدرہ امین نے 48، منیبہ علی نے 25 اور عائشہ ظفر نے 22 رنز بنائے۔

ویسٹ انڈیز ویمن ٹیم کی فلیچر نے تین وکٹیں حاصل کیں۔

ویسٹ انڈین ویمن نے ہدف 19ویں اوور میں دو وکٹ پر حاصل کرلیا، کپتان ہیلی میتھیوز نے 11 چوکوں کی مدد سے 78رنز کی اننگز کھیلی، شیمانے کیمبل 33رنز پر ناقابل شکست رہیں۔

پاکستان کی نشرہ سندھو اور سعدیہ اقبال نے ایک ایک وکٹ حاصل کی۔

سیریز کے میچز جیو سوپر پر براہ راست نشر کیے گئے۔