آئی سی سی رینکنگ: پاکستان تمام فارمیٹس میں ٹاپ پوزیشنز لینے میں ناکام

انٹرنیشنل کرکٹ کونسل (آئی سی سی) نے سالانہ ٹیم رینکنگ جاری کردی ہے جس کے مطابق آسٹریلیا نے سالانہ ٹیسٹ ٹیم رینکنگ میں پہلی پوزیشن حاصل کرلی اور اس کے ریٹنگ پوائنٹس 124 ہوگئے ہیں۔

آسٹریلیا کے بعد بھارتی دوسرے اور اور انگلش ٹیم تیسرے نمبر پر ہے جبکہ پاکستان ٹیم ٹیسٹ رینکنگ میں چھٹے نمبر پر ہے۔

دوسری جانب ون ڈے کی سالانہ ٹیم رینکنگ میں بھارت کا پہلا نمبر برقرار، آسٹریلیا کا دوسرا اور جنوبی افریقا کا تیسرا نمبر برقرار ہے جب کہ پاکستان چوتھے، نیوزی لینڈ پانچویں اور انگلینڈ چھٹے نمبر پر موجود ہے۔

ٹی ٹوئنٹی کی سالانہ ٹیم رینکنگ میں بھارت پہلے نمبر موجود ہے جب کہ آسٹریلیا ایک درجے ترقی کے بعد دوسرے نمبر پر آگیا۔

ٹی ٹوئنٹی میں انگلینڈ کی ٹیم تیسرے نمبر پر چلی گئی جب کہ جنوبی افریقا کی ٹیم دو درجے ترقی کے بعد چوتھے نمبر پر آگئی۔

نیوزی لینڈ کی ٹیم 5 ویں نمبر پر آ گئی جب کہ سالانہ ٹی ٹوئنٹی رینکنگ میں پاکستان ٹیم دو درجے تنزلی کے بعد 7 ویں نمبر پر چلی گئی ہے۔