پی سی بی میں اعلیٰ افسران کے مستعفی ہونے کا سلسلہ، اندرونی کہانی سامنے آ گئی

رپورٹ: سہیل عمران۔۔۔ پاکستان کرکٹ بورڈ (پی سی بی) کے ڈئریکٹرز کے مستعفی ہونے کا سلسلہ جاری ہے ۔

پی سی بی کے اعلی عہدیداروں کے مستعفی ہونے کی اندرونی کہانی سامنے آ گئی ہے جس میں بورڈ ذرائع نے دعوی کیا ہے بورڈ میں استعفے دیے نہیں جا رہے بلکہ استعفے لیے جا رہے ہیں ۔

ذرائع کے مطابق نہ کوئی تنگ آ کر چھوڑ رہا ہے نہ کسی سے کوئی اختلاف ہے بلکہ پی سی بی کو اس وقت غیر سیاسی بنانا اولین ترجیح ہے ،اس لیے اب کوئی تعلقات ، گروپنگ یا سفارشات پر کوئی عہدے پر برقرار نہیں رہ سکتا رائٹ مین فار دی رائٹ جاب کے فارمولے پر سختی سے عمل ہو گا۔

واضح رہے کہ چیئرمین محسن نقوی نے آغاز میں تمام عہدیداروں کو پیغام پہنچا دیا تھا۔خیال رہے کہ چیئرمین محسن نقوی کے عہدہ سنبھالنے کے بعد چھ اعلی عہدیداروں کے استعفے سامنے آچکے ہیں جبکہ بورڈ میں آنے والے دنوں میں مزید استعفے بھی سامنے آنے بھی کا امکان ہے۔