احسان اللہ کی میڈیکل رپورٹ میں کیا کہا گیا؟

پاکستان کرکٹ بورد (پی سی بی) کے چیئرمین محسن نقوی کو فاسٹ بولر احسان اللہ کی میڈیکل رپورٹ مل چکی ہے جس میں گیا ہے کہ احسان اللہ کی کہنی کی تکلیف کی تشخیض میں تاخیر کی گئی ہے۔

ڈائریکٹر میڈیکل اینڈ اسپورٹس سائنسز ڈاکٹر سہیل سلیم نے ایسا سرجن تجویز کیا جس کا فیلڈ میں تجربہ کم تھا اور تعلیمی اہلیت بھی،پی سی بی آفیشلز نے احسان اللہ پر ری ہیب پروٹوکول پر عمل نہ کرنے کا الزام بھی عائد کیا۔

واضح رہے کہ چند روز قبل پی سی بی چیئرمین محسن نقوی نے کہا تھا کہ احسان اللہ کی انجری کے معاملے میں غفلت سامنے آئی تو سخت ایکشن لیا جائے گا۔

اس صورت حال کے بعد پی سی بی کے میڈیکل کمیٹی اینڈ اسپورٹس سائینزڈاکٹر سہیل سلیم نے اپنے عہدے سے استعفی بھی دے دیا، ذرائع کا کہنا تھا کہ چیئرمین پی سی بی نے کھلاڑیوں کے انجریز کے معاملے پر تحقیقاتی کمیٹی قائم کی تھی۔

خیال رہے کہ محسن نقوی کو احسان اللہ سمیت ارشد اقبال، ذیشان ضمیر اور شوال ذوالفقار کی میڈیکل رپورٹس موصول ہوئیں ہیں جس پر محسن نقوی نے پروفیسر ڈاکٹر جاوید اکرم، ڈاکٹر رانا دلاویز اور پروفیسر ڈاکٹر ممریز کا دس دن میں رپورٹس مرتب کرنے پر شکریہ بھی ادا کیا۔