اذلان شاہ ہاکی ٹورنامنٹ میں شرکت کے لیے قومی ٹیم ملائیشیا روانہ

رپورٹ: عتیق الرحمٰن۔۔۔ پاکستان ہاکی ٹیم اذلان شاہ ہاکی ٹورنامنٹ میں شرکت کے لیے عماد بٹ کی قیادت میں رات ایک بجکر 20 منٹ پر ملائیشیا روانہ ہوگئی۔

پاکستا ن کے 18 رکنی ٹیم کے ہمراہ طارق بگٹی اور رانا مجاہد بھی ملائیشیا روانہ ہوئے ہیں۔رولینٹ آلٹمنز ہیڈ کوچ، ذیشان اشرف منیجر، محمد عثمان اسیسٹنٹ کوچ ،ندیم لودھی ویڈیو انالسٹ ،محمد وقاص فزیو تھراپسٹ شامل ہیں۔

اذلان شاہ ٹورنامنٹ کا چار مئی سے ایپو میں آغاز ہورہا ہے۔ پاکستانی ٹیم افتتاحی روز میزبان ملائیشیا کے خلاف میدان میں اترے گی۔

پاکستان کا دوسرا میچ پانچ مئی کو جنوبی کوریا سے ہوگا، سات مئی کو جاپان سے ٹاکرا ہوگا اور پھر آٹھ مئی کو کینیڈا سےمقابلہ ہوگا، دس مئی کو نیوزی لینڈ کی ٹیم سے مدمقابل ہوگی، ایونٹ کا فائنل گیارہ مئی کو ہوگا۔