دورہ انگلینڈ کیلئے پاکستان ویمنز کرکٹ ٹیم کا اعلان

دورہ انگلینڈ کے لیے پاکستان کی سترہ رکنی خواتین کرکٹ ٹیم کا اعلان کردیا گیا ہے۔

پاکستان ویمنز کرکٹ ٹیم ندا ڈار کی قیادت میں عالیہ ریاض ، عائشہ ظفر اور ڈیانا بیگ، فاطمہ ثنا،گل فیروزہ ، منیبہ علی،نجیہہ علوی ،نشرہ سندھو اور نتالیہ پرویز پر مشتمل ہے۔

ان کے علاوہ دیگر کھلاڑیوں میں رامین شمیم، صدف شمس، سعدیہ اقبال، سدرہ امین، طوبٰی حسن ام ہانی اور وحیدہ اختر کو بھی منتخب کیا گیا ہے۔

علم میں رہے کہ پاکستان ویمنز ٹیم 5 مئی کو کراچی سے براستہ دبئی انگلینڈ کے لیے روانہ ہوگی، اس دورے میں ٹیم تین ٹی ٹوئنٹی اور تین ون ڈے انٹرنیشنلز شیڈول ہیں۔

واضح رہے کہ یہ ون ڈے سیریز آئی سی سی ویمنز چیمپئن شپ کا حصہ ہے، پاکستان ویمنز ٹیم کی آئی سی سی ویمنز چیمپئن شپ میں یہ آٹھویں اور آخری سیریز ہوگی۔

پاکستان ویمنز کرکٹ کے دورہ انگلینڈ کا شیڈول:

پہلا ٹی ٹوئنٹی : 11 مئی ، برمنگھم
دوسرا ٹی ٹوئنٹی : 17 مئی، نارتھ ہیمپٹن
تیسرا ٹی ٹوئنٹی : 19 مئی، لیڈز

پہلا ون ڈے: 23 مئی ، ڈربی
دوسرا ون ڈے : 26 مئی، ٹانٹن
تیسرا ون ڈے : 29 مئی، چیلمسفورٹ