دورہ آئر لینڈ اور انگلینڈ کیلئے قومی ٹیم کا اعلان کل کیا جائے گا

رپورٹ: سہیل عمران۔۔۔ پاکستان کرکٹ ٹیم کا دورہ آئر لینڈ اور انگلینڈ کے لیے قومی ٹیم کا اعلان کل کیا جائے گا۔

پاکستان کرکٹ بورڈ (پی سی بی) کے مطابق نیشنل سلیکشن کمیٹی پاکستان ٹیم کا اعلان کل کرے گی۔

علم میں رہے کہ پاکستان ٹیم 10، 12 اور 14 مئی کو آئر لینڈ کے خلاف ڈبلن میں میچز کھیلے گی۔

واضح رہے کہ آئی سی سی ٹی ٹوئنٹی ورلڈ کپ کے لیے اسکواڈ کا اعلان انگلینڈ کے خلاف پہلے میچ کے بعد متوقع ہے۔

پی سی بی کے چیئرمین محسن نقوی کا گزشتہ روز کہنا تھا کہ دورہ آئر لینڈ اور انگلینڈ کے لیے قومی ٹیم کا اعلان آج کردیا جائے گا مگر آج نہیں ہوا اس بارے میں ذرائع کا بتانا ہے کہ نشتر پارک اسپورٹس کمپلکس میں چیف منسٹر کی ایک تقریب طے ہے جس کی وجہ سے اس حصے کو بند کیا گیا ہے اس لئے آج وہاں پہنچنا ممکن نہیں تھا۔