آئی سی سی ٹی ٹوئنٹی ورلڈ کپ کیلئے آسٹریلوی ٹیم کا اعلان

آئی سی سی ٹی ٹوئنٹی ورلڈ کپ کے لیے آسٹریلوی کرکٹ ٹیم نے اپنے اسکواڈ کا اعلان کردیا ہے۔

آسٹریلوی ٹیم آل راونڈر میچل مارش کی قیادت میں آشٹن اگر ،پیٹ کمنز ،ٹم ڈیوڈ،نیتھن ایلس، کیمرون گرین اور میچل اسٹارک پر مشتمل ہے۔

ان کے علاوہ جوش ہیزل ووڈ،ٹریوس ہیڈ ،جوش انگلس اور گلین میکسویل بھی اسکواڈ کا حصہ ہیں۔

ٹی ٹوئنٹی ورلڈ کپ کے لیے آسٹریلوی ٹیم میں مارکوس اسٹوئنس ،میتھیو ویڈ ،ڈیوڈ وارنر اور ایڈم زمپا کو بھی شامل کیا گیا ہے جبکہ اسٹیو اسمتھ اسکواڈ میں جگہ بنانے میں ناکام ہوئے۔

رواں سال جون میں امریکہ اور ویسٹ انڈیز میں شروع ہونے والے میگا ایونٹ میں آسٹریلوی ٹیم کو گروپ بی میں شامل کیا گیا ہے جس میں اس کا مقابلہ دفاعی چیمپئن انگلینڈ، نمیبیا، اسکاٹ لینڈ اور عمان سے ہوگا۔