ٹی ٹوئنٹی ورلڈ کپ کیلئے انگلینڈ نے اپنی ٹیم کا اعلان کردیا

آئی سی سی ٹی ٹوئنٹی ورلڈ کپ رواں سال امریکہ اور ویسٹ انڈیز میں کھیلا جائے گا جس کے لیے دفاعی چیمپئن انگلینڈ نے اپنی ٹیم کا اعلان کردیا ہے۔

انگلش ٹیم جوز بٹلر کی قیادت میں معین علی، جوفرا آرچر، جونٹھن برسٹو، ہیری بروکس، سیم کرن اور بین ڈکٹ شامل ہیں۔

ان کے علاوہ دیگر کھلاڑیوں میں ٹام ہارٹلی، ول جیکس، کرس جورڈن اور لائم لونگسٹن شامل ہیں جبکہ عادل رشید، فل سالٹ، رئس ٹوپلے اور مارک ووڈ بھی اسکواڈ کا حصہ ہیں۔

خیال رہے کہ انگلش اسکواڈ میں فاسٹ بولر جوفرا آرچر کی واپسی ہوئی ہے، انہوں نے آخری بار مارچ 2023 میں انگلینڈ کی نمائندگی کی تھی۔

علم میں رہے کہ انگلش کرکٹ ٹیم گروپ بی میں شامل ہے اور جس میں اس کا مقابلہ آسٹریلیا، نمیبیا، اسکاٹ لینڈاور اومان سے ہوگا۔