سلمان خان پاکستانی کراٹے فائٹر شاہزیب کی تعریف کرنے پر مجبور

بالی ووڈ اسٹار سلمان خان نے بہت ہی اچھے اور خوش گوار موڈ میں شاہ زیب رند سے ملاقات کی اور انہیں مبارک باد دی۔

بالی ووڈ اسٹار سلمان خان کا پاکستان فائٹر شاہ زیب رند کو مبارک باد دیتے ہوئے کہا کہ کیا ہر جگہ بیس بیس سیکنڈ میں ناک آوٹ کردیتے ہو ۔

دوسری جانب شاہ زیب رند نے کہا کہ سلمان خان کو بچپن سے دیکھ رہا ہوں، ان کے سامنے مقابلہ کرنا اعزاز کی بات تھی۔

واضح رہے کہ دبئی میں ہونے والے کراٹے کومبیٹ 45 مقابلوںمیں پاکستان کے شاہ زیب رند نے بھارت کے رانا سنگھ کو 20 سیکنڈ میں ہی روند ڈالا۔

شاہ زیب نے فائٹ شروع ہوتے ہی لاتوں اور مکوں کے وار کردیئے جیسے بھارتی فائٹر رانا سنگھ سہہ نہ سکے اور ایک کونے میں دب کر ہمت ہار بیٹھے انھیں اور کافی دیر اٹھ نہ سکے یوں بھارتی فائٹر کو ٹیکنیکل ناک آؤٹ قرار دیا گیا۔ پاکستان نے بھارت کو 1-2 سے شکست دے دی تھی۔

فائٹ کے بعد شاہ زیب رند نے امن کا پیغام دیتے ہوئے پاکستان اور انڈیا دونوں کا جھنڈا اٹھایا اور کہا کہ وہ امن کا پیغام دینا چاہتے ہیں ۔