جنید خان نے آئی پی ایل کھیلنے والے کیوی کرکٹرز پر برس پڑے

نیوزی لینڈ کرکٹ ٹیم نے پاکستان کے خلاف پانچ ٹی ٹوئنٹی انٹرنیشنل میچز کھیلنے کے لیے رواں ماہ پاکستان پہنچنا ہے مگر اس دورے میں سینئر کھلاڑی موجود نہیں۔

کیوی ٹیم کے وہ سینئر کھلاڑی جو پاکستان نہیں آرہے وہ اس وقت بھارت میں جاری آئی پی ایل کھیلنے میں مصروف ہیں، اسی معاملے کو لے کر سابق فاسٹ بولر جنید خان نے ان کرکٹرز کو آڑے ہاتھوں لے لیا۔

سماجی رابطے کی سائٹ ایکس (ٹوئٹر) پر ٹوئٹ کرتے ہوئے جنید خان نے لکھا کہ یہ دیکھ کر افسوس ہوتا ہے کہ لیگز کو انٹرنیشنل ٹیم پر ترجیع دی جارہی ہے، جس نے انہیں اس قابل بنایا کہ وہ فرنچائز ٹیموں کیلئے کھیل سکیں۔

واضح رہے کہ نیوزی لینڈ کے 9 پلیئرز بھارتی پریمئر لیگ (آئی پی ایل) اور ایک پلیئر کاؤنٹی کی وجہ سے دستیاب نہیں ہے۔

نیوزی لینڈ کے ٹرینٹ بولٹ، ڈیوان کانووے، لوکی فرگوسن، میٹ ہینری ، ڈیرل مچل، گلین فلپس، رچن روندرا، کین ویلیمسن اور مچ سینٹنر آئی پی ایل میں مصروف ہیں۔