پاکستان والی بال فیڈریشن نے سینٹرل ایشین لیگ میں شرکت کیلئے بھارت کو مدعو کرلیا

پاکستان والی بال فیڈریشن نے سینٹرل ایشین لیگ میں شرکت کیلئے بھارت کو مدعو کرلیا۔

پاکستان والی بال فیڈریشن کے چیئرمین محمد یعقوب نے کہا ہے کہ سینٹرل ایشین والی بال لیگ 11 سے 17مئی تک کھیلی جائے گی جس میں پاکستان، ایران، ترکمانستان، سری لنکا، قازقستان، افغانستان اور کرغستان کی ٹیمیں شریک ہوں گی۔

انہوں نے کہا کہ ایشین لیگ کے ذریعے پاکستان کا سافٹ امیج اجاگر ہوگا، انٹرنیشنل ایونٹ کے انعقاد کیلئے تیاریاں جاری ہیں، قومی والی بال ٹیم کا تربیتی کیمپ اسلام آباد میں جاری ہے۔

محمد یعقوب نے کہا کہ نوجوان ٹیلنٹ کو انٹرنیشنل ایونٹس فراہم کررہے ہیں، غیرملکی کوچز کی بدولت قومی کھلاڑیوں کی کارکردگی میں بہتری آئی۔