پی سی بی کے کئی شعبوں کو از سر نو ترتیب دینے کا فیصلہ

رپورٹ: سہیل عمران۔۔۔ پاکستان کرکٹ بورڈ (پی سی بی) کے کئی شعبوں کو ری ویمپ کرنے کا فیصلہ کیا گیا ہے۔شعبو ں میں تقررو تبادلوں کے ساتھ کئی عہدیداروں کو فارغ بھی کیا جائے گا ۔

ذرائع کا کہنا ہے کہ پاکستان کرکٹ بورڈ کے کئی شعبوں کو ری ویمپ کرنے کا فیصلہ کیا گیا ہے اور اس کے لیے شعبوں کو از سر نو ترتیب دینے سے تقرر و تبادلے ہونے کا بھی امکان ہے جبکہ شعبوں کی ری اسٹرکچرنگ کرنے کی وجہ سے کئی عہدیداروں کو فارغ بھی کیا جائے گا۔

ڈائریکٹر کوآرڈینیشن بریگیڈیئر ریٹائرڈ ساجد حمید کی جگہ نئی تقرری ہو گی ساجد حمید کو عہدے سے ہٹایا جا رہا ہے۔

ذرائع کا بتانا ہے کہ چیئرمین محسن نقوی حال ہی میں بورڈ میں ہونے والی بد انتظامی (مس منجمنٹس) کی وجہ سے خوش نہیں ہیں اور انہوں نے مس منجمنٹ پر زیرو ٹال رینس کا پیغام سب کو پہنچا دیا ہے۔