نیوزی لینڈ کے کون کون سے کھلاڑی پاکستان پہنچ رہے ہیں؟

نیوزی لینڈ کرکٹ ٹیم نے پاکستان کے خلاف پانچ ٹی ٹوئنٹی انٹرنیشنل میچز کھیلنے کے لیے 14 اپریل کو پاکستان پہنچنا ہے جس کے لیے کیوی اسکواڈ کا اعلان بھی کردیا گیا ہے۔

کیوی کرکٹ بورڈ کی جانب سے اعلان کئے گئے اسکواڈ کے مطابق اہم کھلاڑیوں کی عدم موجودگی میں مائیکل بریسویل کو کپتان مقرر کیا گیا ہے جو مرتبہ کیوی ٹیم کی قیادت کریں گے۔

دورہ پاکستان کے لیے کیوی اسکواڈ میں بریسویل کے علاوہ فن ایلن، مارک چیپمین، جوش کلارکسن شامل ہیں جبکہ جیکب ڈفی، ڈین فاکس کرافٹ، بین لسٹر اور کول مک کونچی بھی کیوی اسکواڈ میں منتخب کیا گیا ہے۔

ان کے علاوہ دیگر کھلاڑیوں میں ایڈم ملنے، جمی نیشم ، بین سیئرز، ٹم سائفرٹ اور اش سودھی بھی کیوی ٹیم کا حصہ ہیں اور ٹم رابن سن، اور ول او راکی پہلی مرتبہ نیوزی لینڈ ٹی ٹوئنٹی ٹیم میں منتخب ہوئے ہیں۔

خیال رہے کہ نیوزی لینڈ کرکٹ ٹیم 12 اپریل کو پاکستان کیلئے روانہ ہوگی۔ سیریز کے تین میچز 18، 20 اور 21 اپریل کو راولپنڈی کے پنڈی کرکٹ اسٹیڈیم میں کھیلے جائیں گے جس کے بعد لاہور 25 اور 27 اپریل کو سیریز کے بقیہ دو ٹی ٹوئنٹی انٹرنیشنل کی میزبانی کرے گا، ٹی ٹوئنٹی سیریز کے تمام پانچ میچز رات سات بجے شروع ہوں گے۔

واضح رہے کہ نیوزی لینڈ کے 9 پلیئرز بھارتی پریمئر لیگ (آئی پی ایل) اور ایک پلیئر کاؤنٹی کی وجہ سے دستیاب نہیں ہے۔

نیوزی لینڈ کے ٹرینٹ بولٹ، ڈیوان کانووے، لوکی فرگوسن، میٹ ہینری ، ڈیرل مچل، گلین فلپس، رچن روندرا، کین ویلیمسن اور مچ سینٹنر آئی پی ایل میں مصروف ہیں،ول ینگ کاؤنٹی جبکہ ٹام لیتھم گھریلوں مصروفیات کی وجہ سے عدم دستیاب تھے۔

ٹم ساوتھی کے بارے میں نیوزی لینڈ کرکٹ بورڈ نے آگاہ کیا کہ ان کو ورک لوڈ مینجمنٹ کے تحت دورہ پاکستان کیلئے آرام دیا گیا ہے۔

سیریز کا شیڈول
14 اپریل ۔ نیوزی لینڈ کی پاکستان آمد
16 اور 17 اپریل۔ پریکٹس
18 اپریل ۔ پہلا ٹی ٹوئنٹی انٹرنیشنل ۔ راولپنڈی
20 اپریل ۔ دوسرا ٹی ٹوئنٹی انٹرنیشنل ۔ راولپنڈی
21 اپریل ۔ تیسرا ٹی ٹوئنٹی انٹرنیشنل ۔راولپنڈی
25 اپریل ۔ چوتھا ٹی ٹوئنٹی انٹرنیشنل ۔ لاہور
27 اپریل ۔ پانچواں ٹی ٹوئنٹی انٹرنیشنل ۔ لاہور