کاکول اکیڈمی میں کرکٹرز نے کرسیوں پر بیٹھ کر نماز ادا کی؟

پاکستانی کرکٹرز کی آرمی ٹرینرز کے زیرنگرانی کاکول میں کھٹن ٹریننگ نے کئی ٹاپ پاکستانی کرکٹرز کس بل ڈھیلے کردیے، پہلے روز ہی تربیت کے بعد کچھ کھلاڑیوں نے نماز عشاء کرسیوں پر بیٹھ کر ادا کی۔

انجریز سے واپس آنے والے عماد وسیم ، فخرزمان اور حارث رؤف نے مزید خدشات کے باعث فٹنس ٹیسٹ میں شرکت نہیں کی۔ پہلے دن کی تھکاوٹ کے باعث دوسرے روز بیشتر کھلاڑی تاخیر سے جاگے۔

ٹریننگ کیمپ میں ورزش، جم ، ایکسرسائز، دوڑ، ریس، دیگر ایونٹ جاری ہیں ۔ تمام تر توجہ فی الحال فزیکل فٹنس پر ہے، کھلاڑی ریس مقابلے کے بعد ٹینس کورٹ بھی پہنچ گئے۔

ایسے پلیئرز جو دن بھر کی سخت مشقوں میں شریک نہیں ہوتے، ان کے لئے نائٹ میں مختلف کھیلوں کی سرگرمیاں رکھی گئی ہیں۔ ٹینس کا ڈبلز مقابلہ شاہین شاہ آفریدی اور محمد حارث کی جوڑی نے نسیم شاہ اور عباس آفریدی کو ہراکر جیتا۔