پاکستان کے دورہ آسٹریلیا کے شیڈول کا اعلان

پاکستان کرکٹ ٹیم نے رواں سال آسٹریلیا کے دورہ پر جانا ہے جس کے لیے کرکٹ آسٹریلیا نے شیڈول جاری کردیا ہے۔

پاکستان اور آسٹریلیا کے درمیان تین ون ڈے اور تین ٹی ٹوئنٹی میچز کی سیریز 4 نومبر سے شروع ہوگی اور سیریز میں شامل تمام چھ میچز چھ مختلف مقامات پر کھیلے جائیں گے۔

کرکٹ آسٹریلیا کی جانب سے جاری کردہ شیڈول کے مطابق پہلا ون ڈے انٹرنیشنل میچ 4 نومبر کو ایم سی جی میں کھیلا جائے گا جبکہ دوسرا ون ڈے 8 نومبر کو ایڈیلیڈ اور تیسرا 10 نومبر کو پرتھ اسٹیڈیم میں کھیلا جائے گا اور سیریز کے تمام ون ڈے انٹرنیشنل میچز ڈے اینڈ نائٹ ہوں گے۔

ٹی ٹوئنٹی میچز کی بات کی جائے تو ٹی ٹوئنٹی سیریز 14 نومبر سے گابا، برسبین میں شروع ہوگی ، دوسرا ٹی ٹوئنٹی 16 نومبر کو سڈنی کرکٹ گراؤنڈ اور آخری 18 نومبر کو ہوبارٹ میں کھیلا جائے گا اور یہ تینوں ٹی ٹوئنٹی انٹرنیشنل میچز رات کو کھیلے جائیں گے۔