محسن نقوی کا سابق چیئرمین پی سی بی کے انتقال پر اظہارِ افسوس

رپورٹ: سہیل عمران۔۔۔ چیئرمین پاکستان کرکٹ بورڈ (پی سی بی) محسن نقوی نے سابق چیئرمین پی سی بی شہریار خان کے انتقال پر اظہارِ افسوس کیا۔

محسن نقوی نے سوگوار خاندان سے دلی ہمدردی و تعزیت کا اظہار کرتے ہوئے شہریار خان کی خدمات کو خراج عقیدت پیش کیا۔

چیئرمین پاکستان کرکٹ بورڈ نے کہا کہ شہریار خان کی خدمات کو تادیر یاد رکھا جائے گا۔

انہوں نے کہا کہ اللہ تعالیٰ مرحوم کی روح کو جوار رحمت میں جگہ دے اور اہلخانہ کو صبر جمیل عطا فرمائے۔

علم میں رہے کہ سابق چیئرمین پی سی بی شہریار خان کے خاندانی ذرائع کا بتانا ہے کہ وہ ایک عرصے سے علیل تھے آج لاہور میں انتقال ہو گیا ہے اور تدفین کراچی میں ہو گی آج میت کو کراچی لے جایا جائے گا۔