ایشین ریسلنگ، اولمپک کوالیفائنگ راؤنڈ کیلئے قومی ٹیم کا اعلان

ایشین ریسلنگ چیمپیئن شپ اور اولمپک کوالیفائنگ راؤنڈ کےلیے قومی ٹیم کا اعلان کردیا گیا۔ پہلوانوں کا اعلان لاہور میں ٹرائلز کے بعد کیا گیا۔

لاہور میں ہونے والے ٹرائلز میں 70 پہلوانوں نے مختلف کیٹگریز میں اپنی مہارت اور زور آزمائی کا شاندار مظاہرہ کیا۔

محمد بلال 57، محمد عبداللّٰہ 65، محمد اسد اللّٰہ 75، شریف طاہر 89، حیدر علی 86، محمد انعام 97 اور زمان انور 125 کلوگرام کیٹیگری میں شرکت کریں گے۔

منتخب کردہ ریسلرز ایشین ریسلنگ چیمپیئن شپ میں ملک کی نمائندگی کریں گے، ایشین چیمپئن شپ کے 3 بہترین پرفارمر اولمپک کوالیفائی راؤنڈ کے اہل ہوں گے۔

ایشین چیمپئن شپ 11 اپریل اور اولمپک کوالیفائر راؤنڈ 19 اپریل کو ہوگا۔ ریسلنگ کے دونوں ایونٹس کی میزبانی بشکک، کرغزستان کر رہا ہے۔