بابر اعظم نے ایک اور عالمی اعزاز اپنے نام کرلیا

رپورٹ: فیضان لاکھانی۔۔۔ پاکستان کے ٹاپ بیٹسمن اور قومی ٹیم کے سابق کپتان بابر اعظم نے ایک اور عالمی اعزاز اپنے نام کرلیا۔

بابر اعظم نے تیز ترین 10 ہزار ٹی ٹوئنٹی رنز بنانے والے کرکٹر بن گئے۔بابر اعظم نے یہ سنگ میل آج کراچی کنگز کے خلاف پشاور زلمی کی جانب سے کھیلتے ہوئے عبور کیا۔

بابر اعظم نے آج چھٹا رن لے کر اپنے ٹی ٹوئنٹی کیرئیر کے 10 ہزار رنز مکمل کئے، بابر اعظم نے کیریر میں 19 ٹیموں کی جانب سے ٹی ٹوئنٹی میچز کھیلے ہیں۔

علم میں رہے کہ بابر اعظم پاکستان سپر لیگ (پی ایس ایل) میں تین ہزار رنز بنانے والے بھی واحد پلیئر ہیں اور مجموعی طور پر 10 ہزار ٹی ٹوئنٹی رنز بنانے والے 13 ویں پلیئر ہیں۔

ٹی ٹوئنٹی فارمیٹ میں سابق قومی کپتان بابراعظم نے پاکستان کی جانب سے 3698 اور کراچی کنگز کیلئے 2398 رنز بنائے ہیں۔

واضح رہے کہ بابراعظم نے یہ کارنامہ 271 اننگز میں انجام دے کر کس گیل کا ریکارڈ توڑا، کرس گیل نے 285 اننگز میں 10 ہزار ٹی ٹوئنٹی رنز بنائے تھے۔

ویسٹ انڈیز کے کرس گیل نے سب سے زیادہ 14562 رنز بنائے ہیں جبکہ پاکستان کے شعیب ملک نے 13159 ٹی ٹوئنٹی رنز بنائے ہیں۔