February 13, 2024 | 09:15 am

انگلینڈ کرکٹ ٹیم کے ایک اور کھلاڑی کا ویزہ تنازعہ کھڑا ہو گیا

england cricket team kay aik aur khilari ka visa tanaza khara hogaya
رپورٹ: سہیل عمران۔۔۔ انگلینڈ کرکٹ ٹیم کے ایک اور کھلاڑی کا ویزہ تنازعہ کھڑا ہو گیا اس بارے میں بھارتی میڈیا کا بتانا ہے کہ انگلینڈ کے اسپنر ریحان احمد کو ائیرپورٹ پر روک لیا گیا۔

غیر ملکی میڈیا کے مطابق انگلینڈ کرکٹ ٹیم ابوظہبی میں دس روز کی بریک کے بعد دوبارہ بھارت آرہی تھی کہ ریحان احمد کو راجکوٹ کے ائیر پورٹ پر کاغذات مکمل نہ ہونے پر روکا گیا۔

بھارتی میڈیا کا بتانا ہے کہ ریحان احمد کے پاس سنگل انٹری ویزہ تھا مقامی انتظامیہ کی مداخلت سے دو روز کا ویزہ جاری ہوا ہے اور انگلینڈ ٹیم انتظامیہ کو دو روز کے اندر معاملے کو حل کرنے کا کہہ دیا گیا ہے۔

اس معاملے کے بارے میں بھارتی بورڈ آفیشل کا کہنا ہے کہ انگلینڈ کو دوبارہ ویزہ پراسیس کرانے کا کہا ہے۔

یاد رہے کہ اس سے قبل شعیب بشیر نے ویزہ ایشو پر تاخیر سے انگلینڈ ٹیم کو جوائن کیا تھا۔ بھارت اور انگلینڈ کے درمیان تیسرا ٹیسٹ جمعرات سے راجکوٹ میں کھیلا جائے گا۔