اسٹیو کربی کراچی کنگز کے فاسٹ بالنگ کوچ مقرر

پاکستان سپر لیگ (پی ایس ایل) کی ٹیم کراچی کنگز نے لنکا شائر، انگلستان سے تعلق رکھنے والے اسٹیو کربی کو ٹیم کا فاسٹ بولنگ کوچ مقرر کیا ہے۔

واضح رہے کہ کربی نا صرف زمبابوے کی قومی کرکٹ ٹیم کے بالنگ کوچ ہیں بلکہ اس کے ساتھ زمبابوے کرکٹ کے پاتھ وے ڈیویلپمنٹ پروگرام کے سربراہ بھی ہیں۔

اس سے قبل اسٹیو کربی سمرسیٹ کاؤنٹی، ڈربی شائر کاؤنٹی کے بالنگ کوچ اور مارلی بون کرکٹ کلب (ایم سی سی) کے ہیڈ کوچ بھی رہ چکے ہیں۔

خیال رہے کہ بطور کھلاڑی اسٹیو کربی کاؤنٹی کرکٹ میں یارکشائر، گلاسٹرشائر، اور سمر سیٹ کی نمائندگی بھی کر چکے ہیں۔