پاتھم نسانکا ایک روزہ کرکٹ میں ڈبل سنچری بنانے والے پہلے سری لنکن بیٹر

سری لنکا کے اوپننگ بیٹر پاتھم نسانکا ایک روزہ کرکٹ میں ڈبل سنچری اسکور کرنے والے 12ویں بیٹر بن گئے، یہ کسی بھی سری لنکن بیٹر کی پہلی ڈبل سنچری ہے۔

افغانستان کے خلاف پالے کیلے میں کھیلے گئے پہلے ایک روزہ میچ میں پاتھم نسانکا نے ڈبل سنچری اسکور کی، انہوں نے 139 گیندوں پر 210 رنز کی ناقابل شکست اننگز کھیلی۔

سری لنکن کے 26 سالہ اوپنر نے اپنے 50ویں ایک روز میچ کے دوران 8 چھکے اور 20 چوکے لگائے اور وہ ناٹ آؤٹ واپس لوٹے۔

پاتھم نسانکا کی شاندار اننگز کی بدولت سری لنکا نے افغانستان کے خلاف 3 وکٹ پر 381 رنز بنائے اور حریف ٹیم کےلیے 382 رنز کا ہدف سیٹ کیا۔