آسٹریلیا اور ویسٹ انڈیز کے درمیان پہلا ٹی ٹوئنٹی آج کھیلا جائے گا

آسٹریلیا اور ویسٹ انڈیز کی کرکٹ ٹیموں کے درمیان تین ٹی ٹوئنٹی انٹرنیشنل میچز پر مشتمل سیریز کا پہلا میچ آج ہابرٹ میں کھیلا جائے گا۔

یاد رہے کہ اس سے قبل دونوں ٹیموں کے درمیان کھیلی گئی دو ٹیسٹ میچوں کی سیریز 1 - 1 سے برابری پر ختم ہوگئی تھی۔

میزبان آسٹریلوی ٹیم نے مہمان ویسٹ انڈیز ٹیم کو ایڈیلیڈ میں کھیلے گئے پہلے ٹیسٹ میچ میں 10 وکٹوں سے شکست دی تھی جبکہ ویسٹ انڈیز ٹیم نے دوسرے اور آخری ٹیسٹ میچ میں آسٹریلین ٹیم کو سخت مقابلے کے بعد 8 رنز سے شکست دے کر دو میچوں کی سیریز 1 - 1 سے برابر کر دی تھی۔

ٹیسٹ سیریز کے بعد دونوں ٹیموں کے درمیان کھیلی گئی تین ایک روزہ بین الاقوامی میچوں پر مشتمل سیریز میں میزبان کینگروز نے ویسٹ انڈیز کو 0 - 3 سے وائٹ واش کر دیا تھا۔

علم میں رہے کہ ٹی ٹوئنٹی سیریز کا دوسرا میچ 11 فروری کو ایڈیلیڈ میں جبکہ تیسرا اور آخری ٹی ٹوئنٹی میچ 13 فروری کو پرتھ میں کھیلا جائے گا۔