پاکستان کرکٹ بورڈ کا نیا چیئرمین کون ہو گا؟ فیصلہ کل ہوجائے گا

رپورٹ: سہیل عمران۔۔۔ پاکستان کرکٹ بورڈ (پی سی بی) کے نئے چیئرمین کا انتخاب کل ہو گا اور نگران وزیر اعلی پنجاب محسن نقوی نئے چیئرمین پی سی بی کے لیے مضبوط امیدوار ہیں ۔

پاکستان کرکٹ بورڈ کے نئے چئیرمین کے انتخاب کے لیے پی سی بی گورننگ بورڈ کا خصوصی اجلاس کل ہو گا۔اجلاس الیکشن کمشنر شاہ خاور نے اجلاس طلب کیا ہوا ہےاجلاس دو پہر دو بجے نیشنل کرکٹ اکیڈمی میں ہو گا گورننگ بورڈ میں پیٹرن کے دو نمائندے محسن نقوی اور مصطفیٰ رمدے شامل ہیں۔

ان کے علاوہ آزاد جموں کشمیر ، ڈیرہ مرآد جمالی ، لاڑکانہ اور بہاولپور ، سوئی ناردرن گیس ، غنی گلاس ، اسٹیٹ بنک اور پی ٹی وی گورننگ بورڈ کا حصہ ہیں ۔

وزارت بین الصوبائی رابطہ کے سیکریٹری یا کوئی اور نمائندے نان ووٹنگ ممبر کی حیثیت سے شریک ہوں گے۔ محسن نقوی پاکستان کرکٹ بورڈ کےچیئرمین کے لیے مضبوط ترین امیدوار ہیں محسن نقوی اس وقت نگران وزیر اعلی پنجاب کی زمہ داریاں نبھا رہے ہیں۔