فیفا ورلڈ کپ 2026 کے میچ شیڈول کا اعلان کردیا گیا

رپورٹ: فیضان لاکھانی۔۔۔ فیفا ورلڈ کپ 2026 کے میچ شیڈول کا اعلان کردیا گیا ہے جس کے مطابق ایونٹ کا افتتاحی میچ 11 جون کو میکسیکو میں کھیلا جائے گا۔

فیفیا کی جانب سے اعلان کئے گئے شیڈول کے مطابق فیفا نے ورلڈ کپ 2026 کیلئے 16 شہروں کا انتخاب کیا ہے، میگا ایونٹ 11 جون سے 19 جولائی تک کھیلا جائے گا۔

فیفا ورلڈ کپ 2026 کے 104 میچز تین ممالک امریکا ، میکسیکو اور کینیڈا میں ہوں گے اور ہر میزبان اپنے ہوم ملک میں ، تین تین میچز کھیلے گا۔

فیفا کے مطابق ڈیلیس میں سب سے زیادہ 9 میچز کھیلے جائیں گے اور فائنل 19 جولائی کو نیویارک نیوجرسی میں کھیلا جائے گا۔

فیفا کے مطابق گروپ کے ابتدائی دو میچ ڈے پر دو، دو میچز ہوں گے، سیمی فائنل ڈیلیس اور اٹلانٹا میں 14 اور 16 جولائی کو ہوں گے جبکہ تیسری پوزیشن کا میچ 18 جولائی کو میامی میں ہوگا اور گروپ کے آخری چار میچ ڈے پر روز چھ، چھ میچز ہوں گے۔