پاکستان اور پرائم منسٹر الیون کے درمیان میچ ڈرا

کینبرا میں پاکستان اور پرائم منسٹر الیون کے درمیان چار روزہ پریکٹس میچ ڈرا ہوگیا ہے اور کھیل کے بہترین کھلاڑی کا ایوارڈ پاکستان ٹیم کے کپتان شان مسعود نے حاصل کیا۔

کینبرا میں آج چوتھے اور آخری روز کا کھیل بارش کے باعث نہ ہو سکا ، پاکستان ٹیم نے پہلی اننگز9 وکٹوں کے نقصان پر 391 پر ڈکلیئر کردی تھی۔کپتان شان مسعود نے ناقابل شکست 201 رنز بنائے تھے۔

جواب میں آسٹریلیا کی پرائم منسٹر الیون نے 4 وکٹوں کے نقصان پر 367 رنز بناسکی تھی۔

پاکستان اور آسٹریلیا کے درمیان پہلا ٹیسٹ میچ 14 دسمبر سے پرتھ میں کھیلا جائے گا۔